الحلقة الرابعة :تجارة الفوركس و مكانتك الاجتماعية
صباح الخير
النهاردة احنا هنكلم فى موضوع بيحصل معانا كل يوم
اية هو اعتقاد المجتمع او العائلة او الاصحاب لما بتقول انك تاجر فوركس؟؟
الانطباع عن البورصة و تجارة العملات فى الشعب المصرى علطول حاجة معروفة
الا و هى الخسارة
هقولك لية
هما اكيد اول ما سمعو كدا قالولك الريان هههههههههه و لما خسر على المارك الالمانى
او حتى بسبب الصحافة اللى ذكرت جميع المقالات و المواضيع الخاصة بخسارة العملاء
و فى مقال مشهور عن الراجل/شريف كمال الدين حافظ اللى قتل اولادة و مراتة بسبب الخسارة فى البورصة
و طبعا الناحية دى من العيلة عندك
تعالى نبص على اصحابك
3/4 منهم بيتريق عارف لية؟
اكيد عدم معرفة بالوضع و مش فاهم اى حاجة و لكن احنا عندنا ثقافة الفتى
و ممكن ندل اى بنى ادم على الطريق حتى لو احنا مش عارفين
علشان الشعب بتاعنا مبيحبش يقول انا مش عارف او حتى و الله ما اعرف او حتى اسال حد تانى
انت كدا بين الناس دول كلهم و لما تكسب فى اخر الشهر من راس مالك حوالى 25% يقولك يعنى كام ؟؟؟
مع العلم ان نسبة 25% كويسة اوى(نسبة محترمة اوى )
يعنى لو انت عامل الاكونت بتاعك على 200$ و كسبت فى اخر الشهر 50$ هيتريقو
و يقولولك بعد شهر كامل عملت ولا حاجة
بس هما مش فاهمين ان المهم النسبة مش الربح المالى
يعنى اية
انت لو ماشى على 1000$ و تعمل فى اخر الشهر 250$ ساعتها الكلام هيتغير بالنسبالهم
تمام على العموم انت عندك الثقة بالنفس ودى بردو مهمة بس خلى بالك من الغرو فى السوق
المشكلة الكبير اللى انا شايفها لما تخطب او تجوز
والله انت بتكون حيران مش عارف تقول اية؟
و هو الناس بتنخدع بالمظهر الاجتماعى
و دا ضغط نفسى عليك
استنونا فى الحلقة اللى جاية لمشوارنا فى رحلة المتاجر العربى
مع تحياتى
التسميات :
حلقات فوركساوى