علم طاقة المكان الصينى (Fung Shui) و علاقتة بالتداول
السلام عليكم و رحمة الله و بركاته. موضوع النهاردة غريب جدا لانة بيعرض سؤال هام لكل متداول وهو فى علاقة نفسية بين المكان و اسلوب التداول (حالتك النفسية ) و هعرض باسلوب مختصر المصادر و تعريف علم فونج شى الصينى و ممكن ياثر المكان على قراراتى و مراكزى فى السوق الفوركس ؟
ملجوظة. من الممكن مهاجمة الموضوع و انة خرافة و لكن الفيصل العلم و المصادر و العقل و الصورة اعلاة تثبت انة فى علاقة و دراسات على تاثير مكانك و ترتيتبة على قراراتك و من الممكن الموضوع يكون بشكل ترفيهى و لكن اعتقد لية اهمية
ما هو العلم الصينى الفونج شى Fung Shui
المصدر . ويكيبديا
صورة من المصدر
كلام جميل فى الصورة و اتمنى انك تقرا من اللينك اعلاة .. بس انا عاوز اجيبلك من الاخر كدا احنا بنكلم على اية ؟
الفكرة هى حالتك النفسية و ازاى تسيطر عليها و ازاى تكون ايجابى. و الحقيقة من راى الشخصى انك علشان تكلم عن الحالة النفسية ليها اكتر من محور و دا من اهداف فوركس سبيكر اننا هنعرضها و بالتوالى
اولا/ الحالة النفسية العامة (المزاجية)
ثانيا / حالتك النفسية قبل الدخول فى مراكز بيع او شرا
ثالثا / حالتك النفسية خلال فتح الصفقة
1/ فى حالة المكسب
1/ فى حالة المكسب
2/ فى حالة الخسارة
رابعا / حالتك النفسية بعد قفل الصفقة
1/ فى حالة المكسب
2/ فى حالة الخسارة
موضوع النهاردة و علم الفونج شوى هو الحقيقة بيركز على اول محور الا و هو الحالة النفسية العامة (المزاجية )
اولا/ الحالة النفسية العامة . الحالة المزاجية
الحقيقة بحاول ابعد عن مصطلحات السيكولوجى و بلا بلا لان هدف فوركس سبيكر انها بتقدم محتوى تعليمى فقط لا غير بلغة عامة سهلة الفهم .. و بالتالى بعرض المصطلح و شرحة بالعامية علشان نفهم
يا ريت تفكر معايا لما بتشتغل على السوق حالتك عاملة ازاى ... عاوز تعوض خسارتك / عاوز تعمل ارباح غير متوقعة / الخوف / عليك التزامات فى البيت / فى مشاكل فى الحياة الاجتماعية الاهم من كل دا او دا
هل و انت يتتداول غرفتك مرتبة كويس هل اعتمدت علم الطاقة لمحاولة رفع الحالة النفسية و الهدوء / هل غرفتك صحية / هل غرفتك منظمة ليك ؟؟
تعالى نكلم بالعقل
فى الصورة دى لو دا مكتبك هل تتخيل انك ممكن تفكر و تاخد قرار صح
طيب لو دا مكتبك هل الوضع هيختلف نفسيا
انا مش عاوز ابالغ و اقولك تخلى ال trade station تبقى كدا مثلا
حالتك النفسية العامة مهمة جدا .. لانة فى ترايدرز فى السوق بيكون اول اليوم مقرر يعمل نسبة ارباح كتييرة و هو مش مهياء نفسيا و النتيجة معروفة فى الاخر
اتمنى ان فكرتنا و صلت انك لازم تهتم بمكان عملك و شغلك و يكون مهيى نفسيا انك تنتج الموضوع مش بكتر الورق و التحليلات و عدم النظافة العامة للمكان .. و الحقيقة ان علم الفونج شوى بيكلم عن الفكرة دى بالظبط ... مش لازم نتعمق فية و نعرف تناسق الالوان والديكورات و مدخل البيت المثالى و الهرى دا كلو ... بس ناخد المفيد علطول و نطبقة و نعرف اهميتة على التداول
انا دورت لقيت فى كورسات فى مصر على العلم دا الحقيقة ... انا مش مستغرب لانة فى نوعين من الناس
انا دورت لقيت فى كورسات فى مصر على العلم دا الحقيقة ... انا مش مستغرب لانة فى نوعين من الناس
نوع واخد العلم سبيل و طريق و تطبيق
و نوع فهلوى و ........ و بيحاول يفتكس
يبقى احنا وصلنا للفكرة العامة ... انا بحاول اقدم فكرة اننا نساعد بعض و اعملك مراجع و مداخل لحاجات هتفيدك... لازم تبحث و تدور عن العلم الفونج شوى فى وقت فراغك
مين اكتر اشخاص يحتاجو تطبيق علم المكان و الطاقة ؟
اى شخص بيعمل من المنزل سواء كان ترايدر فوركس بورصة او فرى لانسر او ديزينر اى شخص ممكن يقضى ساعات عملة فى بيتة لازم و من المفروض يطبق علم طاقة المكان صح و قواعدة كتيير
من اول استخدام المرايات فى الغرفة لانها بتعطى طاقة الماء (عديها دى ياعم )و الاضاء الصحيحية و اضافة اللون الاخضر او النباتات للمكان و لو كان معرض لضوء الشمس هيكون صحى جدا
خلاصة المقال
لو انت النهاردة رتبت غرفتك و جهاز الكمبيوتر للتداول بتاعك و اقتنعت انك لازم تهيا نفسك للتداول و يكون تركيزك عالى يبقى المقال وصf لهدفة بغض النظر عن علم الفونج شوى
اتمنالكم تداول مربح باذن الله
خلاصة المقال
لو انت النهاردة رتبت غرفتك و جهاز الكمبيوتر للتداول بتاعك و اقتنعت انك لازم تهيا نفسك للتداول و يكون تركيزك عالى يبقى المقال وصf لهدفة بغض النظر عن علم الفونج شوى
اتمنالكم تداول مربح باذن الله
التسميات :
حصريات