الحلقة الخامسة عناد السوق

ضد  السوق

انت راجع من جديد و صفيت الخسارة و لازم فى اسرع وقت تعوض الخسارة 

مش واخد بالك من حاجة؟؟

انت دلوقتى كل همك انك تعوض الخسارة مش تكسب علشان انت ابتديت غلط 

طبعا احنا عارفين الاسباب من الحلقات السابقة 

من اول تغيىر استراتيجيات كل يومين و عدم ادارة صارمة لراس المال و الطمع و

الحالة النفسية 

االمهم انك وصلت لمرحلة انك فى صراع مع 

 اولا السوق 

ثانيا  الوقت

انت هتكون حالتك عصبية اوى علشان انت عاوز تعوض بسرعة 

هتعمل اية ؟

انا هقولك اول حاجة هتريح نفسك و هتعمل شغلك كلة سكالبينج

ولوت عالى اوى  لا يتناسب مع راس المال اصلا

صدقنى 

هتخسر كل الاكونت 

اهم قاعدة النهاردة 

اوعى تعند مع السوق

هيزعلك جامد اوى

طب اية الحل

الحل انك تهدى 

تاخد باقى الاسبوع اجازة

رتب افكارك

اعمل خطة عمل

اعرف انك هتشتغل فى انهى سوق ,, يعنى انت شغال على الفترة البريطانية ولا الامريكية ولا انت بليل مع سيدنى 

ظبط نفسك

اعمل تارجت اسبوعى و قسمة على كل يوم تداول

لو كل اسبوع انت عملت 15% يبقى انت كدا ماشى على خطوات صلبة 

و الله النسبة دى كبيرة بردو اوى 

انا عارف مشكلتك ان راس مالك صغير و ال 15% مش هتناسبك

  معلش, خليها عليك

و جرب الاسبوع دا على كدا

المهم انك موجود فى السوق و واقف على رجلك 

حتى لو ماشى على بطء اوى

اهم حاجة حاول انك متكونش فى الشغل على اوفر تاريدينج

يعنى مش كتر صفقات   لا بالعكس كل ما تقلل صفقاتك كل ما هتكون مركز و مش متشتت 

ركز و صلى على النبى  _علية الصلاة والسلام_

و خد اجازة لنهاية الاسبوع

مع تحياتى 

ahmed elshemy