اية هي اهم المواقع الاجنبية فى الفوركس علشان نتابعها ؟ (حصرى)

اية هي اهم المواقع الاجنبية فى الفوركس علشان نتابعها ؟  (حصرى)

من كتر المنتديات و المواقع العربى و الاجنبى على النت بجد الواحد بقا حيران   يتابع مين و ميتابعش مين؟ و غير كدا ساعات تلاقيهم عكس بعض (دا لو فى التوصيات)  و كمان المشكلة الاكبر اللى محدش واخد بالة منها هى الوقت 

نفترض ياعم انك خلاص قولت هي المواقع دى اللى هتابعها فى الاخبار و التحليلات. مفيش وقت بجد انك تشوفها كلها . و كمان لو لقيت انت  محتاج 4 او 5 شاشات علشان تبقى شايف اللى بيحصل فى السوق بردو فى نفس الوقت 

موضوع صعب و محتاج انك تعمل فلترة كل شهر على الاقل للمواقع اللى بتابعها

انا بقترح عليكم اهم المواقع اللى نتابعها علشان نفلتر مع بعض المواقع كلها و نشتغل و احنا رايقين من غير بحث و تضيع وقت على الفاضى

نبدا  بسم الله

1/  اهم موقع فى الاخبار و المعروف جدا  و كمان عاوز اقول و الله كنز هو موقع فوركس فاكتورى 

اللينك فوركس فاكتورى

من الاخر انت عارف ان  الاسبوع الجاى اية المهم و اية اللى مش مهم 

..................................................................................................

2/اهم موقع فى التحليل الاساسى و معرو ف جدا هو موقع فوركس  لايف

عبارة عن Team  بيحللو العملات من وجهة نظر اساسية و كمان كل شوية Update

 و احيانا يرشقلك مع التحليل الاساسى الشارت كمان و فى قسم تحليل فنى لوحدة كدا و قسم للorder اللى جوا السوق 

و كمان بداية السوق الاوروبى تلاقى الناس بتقترح فرص اية افضل العملات اللى نشتغل عليها النهاردة و كدا   خرافة و الله

كدا احنا مش عاوزين حاجة تانية 

اللينك فوركس لايف

.....................................................................................................................................

3/ طب احنا محتاجين موقع للتوصيات و الكلام الفاضى دا (ههههههههههه)  احنا لازم نتفق على حاجة   3/4 الاجانب برا مش زيينا احنا .  قولى ابيع منين و اشترى منين لا لا 

هم بجد بيحبو التحليلات الاسبوعية و دا من رائى الشخصى افضل علشان على الاقل انت عارف فين ال STOP LOSE بجد الحقيقى .. مش تعمل استوب يطلع يضربو و يمشى بعد كدا فى الصفقة الاساسية (كانت اكتر حاجة بتجنينى)

 تحليلة على اساسين    تحليل اساسى و تحليل فنى 

الراجل اللى هناك محلل كويس و بقالة سنين فى الفوركس و انا من رائى الشخصى انة كويس جدا للمتابعة 

وكمان الموقع تحليلاتة اسبوعية 

انا هديلك مثال للتحليلات السبوعية 

على تحليل الزوج GBP/USD   الاسبوع دا (13/4/2015)

ادى يا عم جزء من التحليل الاساسى

و ادى ياعم جزء من التحليل الفنى و كمان فى رائية ان الزوج بيرش Bearish

ملحوظة هامة 

مفيش بنى ادم على وجة الارض تحليلة 100%...    اتمنى تكون الرسالة وصلت

انا لما اتابع راجل زى دا و اسمع رائية على عملة او اى محلل, كلام جميل بس الفكرة اننا محتاجين نفلتر كمية  التحليلات الرهيبة اللى طالعة الايام دى 

و كمان محتاجين نسبة توفيق عالية بمعنى اية ؟

مثلا انا بفترض ان الموقع دا نسبة تحليلاتة على الاسبوعى حوالى 70% و دى نسبة كويسة 

طب نحلها ازاى 

انت لو شايفة ان السوق نازل اشتغل Pending order 

من اول مقاومة بيع 

و من اول دعم بيع بردو 

و اللوت بتاعك يكون صغبر لانك هتكمل دخول تانى على نفس الترند 

نخلى بالنا ان التحليل اسبوعى مش يومى 

لينك الموقع فوركس كرنش

لينك للمثال على تحليل  اسبوعى العملة  اعلاة 

....................................................................................................

4/ موقع تانى يديلك الناس بتفكر فى اية و المحللين بيفكرو فى اية كمان و على TIME FRAME  من اول الاسبوع لغاية 3شهور (Q)   خلى بالك علشان تكون فاهم السنة المالية برا عبار عن Q1.Q2.Q3.Q4

وكمان الاهم انة بيقولك مراكز البحث اللى فى البنوك تتوقع اية للعملة ... و دى اهم حاجة فى رائى 

علشان فى موقع مشهور اوى بيعمل تجميع لكل البنوك و توقعاتها للاتجاهات و باشتراك شهرى طبعا 

فى الصورة هنا تحليل اسبوعى شهرى ربع سنوى للزوج GBP/USD 

الناس كلها متفقة على انة بردو Bearish 

خلو بالكو علشان فى  سؤال مهم فى اخر المقال (هههههه)

الموقع هو فوركس ستريت (poll)

...................................................................................................................................

 5/  متنساش تتابعنا   =D 

FOREX SPEAKER 

.................................................................................................

هما دول  اللى فيهم المفيد و ممكن تعتمد عليهم كمان اعتماد اساسى 

يا ريت اللى عندة مواقع تانية ممكن نشوفها يكتبها و نشوف ارائنا كلنا و نضيفها هنا فى البوست 

العمل الجماعى يا رجاله بالله عليكم 

المواقع اللى هنا كلها مجانية فى مواقع تانية باشتراكات بس اللى عندة خبرة فى السوق المواقع دى هتساعدة جدا جدا

السؤال 

اية اللى انت متوقعة من GBP/USD ?

اديك يا عم حللت العملة من غير وجع دماغ ولا متابعات و لا محتاج حتى تشترك علشان تاخد توصيات من حد

انت معاك دلوقتى التحليلات من اهم المواقع و نسبتها تعدى 70% 

اهم حاجة ادارة راس المال 

لو المقال عجبك اتمنى Share ...  دعمنا 

الجزء التانى 

  

للمزيد 

مجموعة لحلقات فوركساوى 

شهادات فى التحليل الفنى (شهادات معتمدة)