وجهة نظر الترايدر بالفوركس - الحلقة الثالثة من مشروع وجهات نظر
نستمر فى موضوع مشروع وجهات نظر و بعد شرح وجهة نظر المجتمع للترايدر و شرح موضوع وجهة نظر المبرمج للفوركس النهاردة باذن الله هنكمل المشوار مع التراديدر ازاى بيشوف الفوركس
نبدا باسم الله
علشان نكلم صح فى موضوع وجهة نظر الترايدر لازم نعمل تقسيم على السريع كدا و نعرف انواع الترديدر فى السوق
- النوع الاول الترايدر المبتدىء
- النوع الثانى الترايدر الخبرة
- النوع الثالث الترايدر (وظيفتة الاساسية على البورصة)
النوع الاول الترايدر المبتدىء
الترايدر المبتدىء بكل بساطة لسة داخل جديد على البورصة و طبعا من الفيديوهات اللى بتقول 100% مكسب فى اسبوع و كمان موضوع الاوبشن ترايدينج و ممكن تعمل 70% فى 5 دقايق
هو من الاخر عامل زى النحلة عمالة تدور فى كل المنتديات و المواقع على اى فرصة او امل يكون لية علشان يبنى علية احلامة السريعة و المكسب السريع
النوع دا بالنسبالة الفوركس ما هو الا مكنة فلوس من غير ما يشوف الخطورة او حتى يعقلها و من اكبر مشاكله انة مش شايف خالص اى خسارة و عمال يشوف الاستراتيجيات الغريبة زى استراتيجية مكسب 100% او استراتيجية العفريت و الله يكون فى عونة لانة جديد مش فاهم ... و النوع دا بيمرجن الاكونت بسرعة جدا فى خلال اسبوعين تلاتة و كمان نظرتة للفوكس غريبة انة بيحاول يبنى عليها اماله كلها و فى ناس كتيير بتفكر تسيب شغلها و تتفرغ للفوركس و دا من قلة الوعى و كمان الاكتر من كدا انة بيدخل براس مال عالى جدا ...و اكبر عامل يسبب خسارتة عدم التحكم فى النفس و لما يقرا مثلا عن موضوع عن مدير محفظة يخسرها بكاملها بيتصدم
النوع الثانى الترايدر الخبرة
الترايدر دا كدا خلاص مرجن مرة او اتنين و بقا فاهم الدنيا ماشية ازاى فى البورصة و تعب من التجربة و ووصل لمرحلة انة عارف المتوسط الشهرى للربح و عرف انه علشان يكسب بسرعة لازم يخاطر اكتر و اكتر و فى الاخر معرض بردو للمرجنة بسبب الخطورة الكبيرة .. و كمان و صل لمرحلة انة عارف التداول دا استثمار و مش قمار خالص في قواعد و شروط و اللى يطبقها هيوصل و اللى هيخالف هيخسر اكتر و اكتر, و بيشتغل عادى جدا فى شغلة و بيعمل ربح كويس فى الشهر من 10% ل 25% و تمام و راضى كمان بالنتيجة و مش مستعجل على الربح السريع و دا نظرتة للفوركس انة من افضل الاسواق لانة بيديلك امكانيات كتير فى التداول و ربح كويس و معقول و عارف ان السوق ما هو الا استثمار المشكلة انة مش بيوصل للمرحلة دى بسهوله
النوع الثالث الترايدر (وظيفتة الاساسية فى البورصة)
من اصعب الحالات اللى ممكن تلاقيها لانة بجد عمله نادرة و هو من اهم الترايدر اللى ممكن يشوف السوق صح لانة اعنمد علية كمصدر رزق و لكنه شاف مراحل كتيير و معاة راس مال كويس ممكن يبتدى بية و كمان عارف حجم الخطورة اللى فيها و لكنة متعامل مع السوق كانة مهنه داءمة لية و نسبة الربح الشهرية المتوقعة 25% تغطى مصاريفة و حياتة و كمان الاهم انها اصبحت بالنسباله حياتة (حلم شباب كتيير جدا)
و هو اكيد منظم جدا جدا لانة عارف شغلة على السوق الاوروبى (مثلا) و عارف حجم مخاطرة و عارف جدا موضوع البروكر و البنوك و افضل الشركات ... النوع من الترايدر دا مهم جدا لانة من الترايدير اللى ممكن يتعلم طول عمرة فى طرق تحليل جديدة و يحاول يزود مهاراتة من طرق التحليل و منها الماركت بروفايل و التحلييل الرقمى و علوم جان و كمان البرمجة الالية لاسترايجياتة و HFT . Algorithm trading و حتى كمان التحليل الفلكى و البرايس اكشن وانا من رائى الشخصى دى اهم صفاتة انة بيتعلم كل ما هو جديد من طرق التداول و بيجربها على الديمو طبعا
خلاصة المقال
تختلف وجهة نظر السوق من ترايدر لاخر
الترايدير الخبرة علرف ان الفوركس ما هو الا استثمار و الترايدر المبتدى بيبحث عن المكسب السريع
الترايدر الخبرة عارف النسبة المعقوله من الربح الشهرى.. و مفيش استراتيجية 100% كل سيجنالتها صح ... مهما كانت فى نسبة مخاطرة
البورصة هى تجارة فيها المكسب و الخسارة
تابعو Forex Speaker عن طريق الاشتراك بتسجيل E- Mail فى اسفل الصفحة على القائمة البريدية
التسميات :
حلقات و جهات نظر فى الفوركس