ما هو البيتكوين - العملة الافتراضية- و ما هى مميزاتة و عيوبة؟
السلام عليكم ورحمة الله
فى موضوعنا الاخير على حصريات اتناقشنا عن فكرة انهيار العملات و علاقتها بالفوركس
تابع الموضوع
احتمالية نهاية بورصة العملات
النهاردة هنعرض موضوع عام عن البيتكوين تعريفة من مؤسسة و مميزاتة و عيوبة
نبدا باسم الله
تعريف البيتكوين
البيتكوبن هو عملة افتراضية . يعنى بكل بساطة عملة على النت الكل معترف بيها حتى شركات الفوركس و ليها شارت و كل حاجة بس مش ورقية يعنى مش ممكن تمسكها فى ايدك و رمز العملة على منصات الفوركس BTCالمميزات
1/ملهوش بنك مركزى يعنى البنك المركزى ميقدرش يرفع الفايدة ولا الكلام دا خالص و ولا هتلاقى اخبار اساسية علية لانة لايوجد بنك مركزىانا اللى ممكن يحيرنى انا و انت طيب العملة ترتفع او تنخفض قيمتها على اى اساس؟
اساس العرض و الطلب فقط لا غير ... يعنى من الاخر مفيش معدل البطالة و لا اخبار اساسية من البنك المركزى ولا الكلام اللى احنا واخدين علية دا من العملات التانية الورقية
2/ البيتكوين هى عملة مشفرة cryptocurrency وتعتمد على اللا مركزية لا توجد سلطة بنك على العملة
3/ انت ممكن تصنع البيتكوين بنفسك . الموضوع مش سهل . و لكن دا اللى اسمة تعدين البيتكوين و لية طبعا شروط على ال hardware و كمان ال software
و الموضوع دا هيكون لية حلقة لواحدة اننا ازاى نصنع بيتكوين
صورة على السريع كدا للتعدين (تحس انة منجم دهب lol)
4/علشان تبتدى لازم يكون عندك محفظة بيتكوين و دا بيكون مجانى و من البداية دى عندك 3 حلول
الحل الاول / تشترك فى مواقع على النت بتقدم البتكوين ببلاش و تبعتهولك على المحفظة بتاعتك
الحل الثانى / انك تعمل تعدين بنفسك على برامج للوصول الى البيتكوين
الحل الثالث / انك تشترى من مواقع البيتكوين و يبعتوة على محفظتك
خلى بالك من الافضل فى البداية انك تيتدى بالحل الاول و لو الموضوع مشى معاك اشترى الادوات اللازمة للتعدين ... و دا من رائى الشخصى او اشترى لو انت شايف انة فى المستقبل القريب انة السعر هيعلى ...(تفكير فوركساوى)
5/ يوم عن يوم الثقة بتزيد بين الناس للعملة الافتراضية
6/ مفيهاش ضرايب هههههههههه مين هيجيى يقولك ادينى 2 بيتكوين ضرايب هههههه 7/ لا يوجد مشرع يحذر من قانونيتها اللهم الا روسيا و الارجنتين بتقلل من انتشارها و تقيدها
فى مميزات كتيير جدا جدا و دى اهمها
العيوب
1/ من الممكن ان تكون عملة بدون قيمة فى المستقبل لعدة اسباب منها ظهور جيل اخر من العملات الافتراضية2/التطوير المستمر للبيت كوين
3/ درجة القبول .. يعنى بالنسبة للعرب مش هتلاقى الدفع الرسوم الدراسية بالبيتكوين لكن فى امريكا فى جامعة تقبل الدفع بالبيتكوين
من هو مؤسس البيتكوين
كوكب اليابان دايما فى العملات و الفوركس و انواع التحليل على الشارت دايما يدهشك عادى يعنى لما يكون مؤسس فكرة البيت كوين هو Satoshi
التسميات :
الربح من الانترنت