شرح لشهادة CMT من دروس شهادات فى التحليل الفنى
السلام عليكم ورحمة الله
موضوع النهاردة على ForexSpeaker بنكمل المواضيع الخاصة بقسم شهادات فى التحليل الفنى ... عرضنا فى الموضوع السابق شهادة CFTE و بنكمل المشوار
نبدا باسم الله
يعنى اية CMT ؟
معناها Chartered Market Technician و دى بتصدر من منظمة (جمعية ) اسمها Market Technicians Association و هى غير هادفة للربح
الجمعية دى بتهتم باية؟ و اية الفرق بينها و بين IFTA ؟
لوجو الجمعية
تاريخ انشاء الجمعية 1973
موقع الجمعية اللينك
مكانها امريكا . نيويورك
من اهدافها. تعليم المستثمرين و المحللين الفنين مناهج التحليل الفنى بناءا على منهج اكاديمى
الفرق بينها و بين IFTA
IFTA هى منظمة دولية و ليها فروع على مستوى العالم و طبعا فى فرع فى مصر و هو الجمعية المصرية للمحللين الفنين ESTA وبتقدم شهادة CFTE
MTA جمعية مقرها فى امريكا بتقدم شهادات فى التحليل الفنى و لكن ليها اعضاء كتيير جدا من جميع انحاء العالمهل من الافضل انى اتعلم شهادة CFTE ولا CMT ؟
خلى بالك من رائى الشخصى لينا احنا كمستثمرين مش فارقة كتير اوى ... الاتنين اهدافهم واحدة وهو الوصول لدرجة الخبرة فى تحليل الشارت بالتحليل الفنى
ولكن IFTA ليهافرعها فى مصر (الدقى) و من اشهر الجمعيات العالمية قى التحليل الفنى و ليها كمان شهادة خاصة بيها و هى CETA و بالتالى ارجحلك CFTE لانها كمصادر افضل ليك كمستثمر و اسهل
الفيديو دا بردو هيفيدك
شهادة CMT
الشهادة مقسمة الى 3 اجزاء . علشان تكون حامل للقب ............................... مثال انة اسمك يكون بالشكل دا Ahmed Elshemy .CMT انا ماخدتهاش
بس بقولك مثال (LOL).... لازم تعدى امتحانات ال 3 مستويات
من مميزاتها الهامة
بعد ماتعدى المستوى الاول و التانى كانك اجتزت اختبارات SERIES 86 اللى هى تبع FINRA
ودا الدليل من FINRA
و دا اللى انت محتاجة علشان تمارس المهنة كمحلل للاسواق المالية بامريكا
مش ميزة ليك اوى لو انت مستثمر و مش عاوز يكون التحليل الفنى بالنسبالك كمهنة (career)
مش ميزة ليك اوى لو انت مستثمر و مش عاوز يكون التحليل الفنى بالنسبالك كمهنة (career)
طيب التكلفة اخبارها اية ؟
ادى يا عم تكلفة كل المستويات (الامتحانات فقط لا غير )
خلى بالك هعيد تانى دى رسوم الامتحانات غير الكتب و الخ الخ الخ
بالنسبة للكتب و المناهج التعليمية
لو انت عاوز تتعلمها علطول على Self Study يبقى يا معلم لازم تشوف الموقع دا
و دا المؤسسة التعليمية
( MTA Educational Foundation (MTAEF)
فى بعض المراكز فى مصر بتدرس المنهج و بيكون كورس اعداد لامتحانات الشهادة (بفكر اعملكو قايمة بالمراكز الموجودة فعليا).. دا لو انت عندك مشكلة فى اللغة او محتاج تكون فى محاضرات
خلاصة المقال
1/ حدد انت عاوز اية بمعنى لو انت محتاج تدير محفظتك الشخصية و تكون كمستثمر مش محتاج خالص تجرى و را CMT .. لكن لو انت عاوز تاخد التحليل الفنى كمهنة يبقى تركز و تشوف السوق محتاج اية ؟؟ ......مش بالشهادات فى معايير تانية ...
2/ فى اكتر من تخصص فى شهادات دولية فى التحليل الاليوتى بردو و فى كورسات مدفوعة و معروفة جدا فى التحليل الفلكى astro trading من مواقع اجنبية (مش المهزلة اللى بتحصل على التجار العرب من بيع استراتيجيات)
3/ حاول على قد ما تقدر تكون self study هتوفر كتيير جدا و كمان المحاضر مش هيجيبلك جديد او اختراع ( على المنتديات الاجنبية و البحث و الشقى هتوصل باذن الله )
4/ لو انت اخدت الكورس فى اى مكان ممكن تعملة شير للمادة العلمية . فى ناس معهاش تكاليف الكتب او تدفع الكورس.
حديث لرسول الله -صلى الله عليه وسلم-، يقول: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم،
5/ لازم نتعلم من الكتب و المناهج لان موضوع كل استراتيجية كويسة يتعملها فيديو 4 دقايق او حتى forexspeaker يكون دا مصدرك لتتعلم بورصة يبقى انت اكيد غلطان
لازم منهج كامل فى موضوع معين تجيب اخرة كدا زى ما بيقول المصريين
لو انت هاوى تحليل رقمى او فلكى اقرا كتب البرت جان لو بتحب نماذج سعرية اقرا كتب و ترجم و اتعب علشان توصل ... للمرة التانية متعتمدش على اليوتيوب اوى فىديو فى التعليم
6/ متجريش ورا توصية علشان انت كدا مقدمتش جديد لنفسك لانك معتمد على التوصيات ايا كانت المدفوعة او المجانية ... اتعلم انت و افهم التحليل دا وصل للاستنتاج دا لية ؟؟ و جرب انت بنفسك و لو خسرت فلوس يبقى اتعلمت خبرة
7/ كلمات جميلة من متابعين forexspeaker
من نورالدين
اعمل بروفتس مع بروكر وجرب تسحب هيختفي زي الجوكر
من ابراهيم سيد
الله اكبر كبيرا
دخلت التذبذب دون تحذيرا
فوجدت الاستوب لوس قريبا
والتاك بروفيت لم اجد له تفسيرا
وبعد ساعة كاد حسابي يطيرا
لو عندك حكمة او جملة ارفعها على الهاشتاج #forexspeaker
باذن الله تعالى انا بحضر لموضوع عن شهادات تانية بردو زى CFA
اتمنى عمل تسجيل للايميلات علشان يوصلكو كل جديد من forexspeaker
للمزيد
التسميات :
شهادات التحليل الفنى