ما هى الاسباب التى تجعلك لا تقبل بادارة حسابات الاخرين ؟
السلام عليكم و رحمة الله
النهاردة هنكلم عن اهم حاجة بنلاقيها كتيير اوى على النت و الفايس
الناس كلها عاوزة تدير حسابات و ياخد نسبة على الارباح
تعالو نكلم مع بعض على كل فكرة لوحدها
انت لية عاوز تدير حساب واحد تانى؟
- علشان انت معندكش حساب كبير
- معندكش حساب اصلا
- عاوز تكسب فلوس اكتر
تعالى بقى بالله عليك علشان اقولك انك لازم تفكر مرة و اتنين لية
اولا معندكش حساب كبير
يعنى حسابك من 500 ل 2000 دولار و مكاسبك على قدك و عاوز تنتشر و تعمل عمولة من حسابات تانية
المشكلة لو الحسابات دى اكبر من حسابك و دا الاغلب صدقنى مش هتعرف تتمكن فى اعصابك و انت شغال هتكون خايف+ طماع فى نفس الوقت
لانة لو الحساب كبير عليك هتدخل لوت عالى لو عكس السوق معاك كل سنة و انت طيب هتلاقى اخطاء كتيير زى الهيدج و القفل بسرعة و الخو ف و القلق لانها مش فلوسك
لو الحساب اللى هتديرة اقل من حسابك الاصلى دى مشكلة كبيرة هتضطر تعمل over trading علشان تعمل فى الاخر رقم كويس
ثانيا معندكش حساب اصلا (معندكش فلوس تتاجر بيها) او خسرت حساباتك قبل كدا
طبعا فى النقطة دى انت خسرت قبل كدا ومش عارف تعمل اية ؟ بتفكر انك تعوض الخسارة القديمة و ترجع حسابك و عاوز تعمل شغل و ادارة بفلوس حد تانى
ماشى انا فاهمك بس انت متاكد انك مش هتفشل زى المرة الاولى
و لو كنت انت اول مرة تدير حساب لايف يبقى بلاش تشتغل بفلوس الناس الله يرضى عليك
فى طرق تانية هتكون على Forex Speaker ازاى تعمل فلوس فى الفوركس من غير ما تدير حساب حد
لانة و الله صاحب الحساب بيعاملك كانك مكنة فلوس و المشكلة باختلاف التعليم (الخبرة ) بينك و بينة
مع الاحترامى لاى ترايدر, انا بكلم على اصحاب الحسابات الطماعة
ثالثا عاوز تكسب فلو س اكتر
ماشى يا عم , استلف , خد قرض , متسحبش اربا ح من حسابك و هو هيكبر باذن الله مع الوقت
و كل حساب يختلف لادارتة و انت و خبرتك
ملخص المقال
قبل ما تدير حساب لاى ترايدر فكر اكتر من مرة و مش معنى كدا ان كل مديرين الحسابات غلط و لكنها خطوة مش سهلة انك تدير حساب لترايدر
التسميات :
مشروع التداول الاجتماعى