مميزات شبكات التداول الاجتماعى social trading network
السلام عليكم و رحمه الله
فى اخر موضوع ل forexspeaker بخصوص عدم ادارة الحسابات للغير و حذرت منها قولت ان فى حلول كتيير هتلاقيها هنا باذن الله
قبل ما اكلم عن اى شى المصدر اللى هنكمل علية المشروع هوموقعsocialtradingguru و اتمنى من الويب العربى يقرا و يترجم لاننا بجد و الله العظيم متاخرين جدا جدا عن الويب الغربى فى البورصة و التداول .. يا راجل دا الويب الغربى اخترق الواقع (.....) بس احنا مش عاوزين نقرا ولا اى حاجة .. الكل بيجرى على وكالة شركة او يدير حسابات و يهرب او ينصب على الناس و الناس التانية تدى التوصيات ,, و الله حرام علينا و قتنا و عمرنا
اسف على المقدمة الطويلة بس دا من اللى بشوفة .. ندخل فى الموضوع علطول يا رجالة
الاجانب كانو فى الموضوع بتاعنا دا ( حوارات نصابين الفوركس و ادارة حسابات و ضرب الكشوف الهيستورى و كل دا ) قامو حلوها بكل بساطة و عملو مواقع اجتماعية زى الفايس بوك بس متخصصة فى التداول فقط لا غير .. و لغاية دلوقتى انا مش لاقى و الله موقع عربى واحد يقدر يقدم الخدمة دى و مش هنلاقى على الافل قدامك 5 سنين قدام
المواقع دى فيدتها اية ؟؟
انت شابف انك ممكن تكون مدير حساب و راجل تمام فى الشغل .. خلاص يا عم اربط حسابك فى الموقع و الناس تشوف ادائك و ربحك و خسارتك و ساعتها اللى عاوزك تدير حسابة هيعملك كوبى ترايد و كمان ممكن يتحكم فى حجم الصفقات اللى هينقلها منك
كدا هو ريح الراجل اللى بيدير بدل عمنا صاحب الحساب كل شوية يتصل بيك و يوترك او حتى تدخل فى مواضيع استلام الفلوس من الناس و لو خسرت تكون نصاب و تروح جنب المستريح (عندنا فى مصر ) او تبقى مع عم هانى اللى فى دبى
قصص كتيير
هو انا هستفاد اية لما الترايدر يعملى كوبى ؟
فى الاغلب انت بتاخد 0.5 بيب كاملة من الصفقة اللى مفتوحة وراك لو انت كسبان 10 نقط و عندك 10 تجار بيكبيرو منك دا معناة انك كسبان 15 بيب يا كبير
لانك معاك ال 10 اللى انت كسبانهم + 10*0.5 = 5 بيب مكسب من ادارة الحسابات التانية
و لو فى الخسارة كمان ... بس خلى بالك انهم بعد كدا مش هيتابعوك و مش هيخلوك تدير حساباتهم
طب انا معرفش ترايدر اقولة اعمل كوبى للصفقات بتاعتى ؟
هى دى الميزة انت مش هتقعد تسوق لنفسك و تضرب هيستورى و الكلام دا انت بينك و بين الناس الهيستورى اللى على الموقع و كمان ادائك بمعنى انك لو مدير حساب كويس هيبان فى الموقع ارباحك الاسبوعية و افضل نتائج ليك و كمان الدرو دون اللى عليك و كل شى و خلى بالك انت لو ماشى بما يرضى الله هتلاقى ناس اجانب انت متعرفهمش اصلا مسجلين ليك لادارة حساباتهم لانهم شايفين ادائك و عاوزين ينسخو صفقاتهم
طب و اللى هيجى يقولك انا بعمل نسبة التنين فى الاسبوع و الكلام دا
بكل بساطة قولة فين الاكونت بتاعك على اى شبكة تداول اجتماعية و نشوف النسب بتاعتك خلى بالكو يا عرب على فلوسكو حرام والله اللى بيحصل
الملخص
اللى بيعمل النسب الخرافية دى هيجى لية يضيع و قتة و يشرحلك انك تديلة الاكونت باعك علشان يديرة ... قولة يا عم انت بتعمل النسبة دى اومال عاوز لية حساب تانى تديرة حاجة بالعقل كدا اللى بيعمل 100% شهريا (دا كمان فى ناس بتقول اسبوعى هههه)
معناه انة فى 6 شهور هيكون حسابة على اساس 1000$ هيوصل ل 32000$
1000- 2000- 4000 - 8000- 16000 - 32000
انتظرونا فى الجزء التانى باذن الله هنشرح اهم المواقع و افضلها
تابعونا على صفحتنا على الفايس بوك
اضغط هنا
تابعونا على صفحتنا على الفايس بوك
اضغط هنا
التسميات :
مشروع التداول الاجتماعى