ما هو ال PAMM فى الفوركس . من مشروع التداول الاجتماعى

ما هو ال PAMM  فى الفوركس . من مشروع التداول الاجتماعى

السلام عليكم و رحمة الله و بركاتة .موضوع جديد و مهم معانا لتكملة مشروع                                                            

 التداول الاجتماعى و هو عن نظام ال PAMM و مصدر المقال مترجم من موقع investopedia الشهير . اللينك ... المقال طويل انصحك بالتركيز

 ما هو نظام ال PAMM ؟

 هو اختصار ل Percentage Allocation Management Module و يعرف ايضا اختصارا ل Percentage Allocation Money Management

 الحقيقة فكرة البام هى سهلة جدا و لتبسيطها انا هطرح مثال ... انا كتاجر معنديش الوقت الكافى او الخبرة انى ادير حسابى بدل ما ادور على مديرين حسابات على الفايسبوك يديرو حسابى و انا خايف من مصداقيتهم فى الربح

 فى حل بسيط جدا انا محتاج تاجر او مدير حسابات يكون هو بيدير حسابة الفعلى الحقيقى و انا اكون معاة فى راس المال بردو فى ال POOL... المهم ان فلوسة و فلوسى مع بعض على المكسب و الخسارة 

  فى اشاعات عن ناس بتمرجن حسابات الفوركس و ما الى اخرة لانها مش حساباتهم او فلوسهم و طبعا المشاكل بتيجى من هنا

 و بردو مننساش انة فى مديرين ناجحين جدا و بيديرو حسابات و اصحاب الحسابات بيضحكو عليهم و مش بيخدو فى الاخر عمولتهم

 سبحان الله الاتنين فى بعض الحالات مظلومين من بعض بردو .. الحل فين يردو ؟؟؟ انك كتاجر مبتدا ادخل مع مدير كويس

 الفائدة من ال PAMM?

 هنا بقا المعادلة WIN WIN للطرفين يعنى انا(الطرف الاول ) كتاجر مبتدى اخترت التاجر/المدير دا يديرلى حسابى و هستفاد انة لما يكسب يتوزع المكسب علينا و لما يخسر تتوزع الخسارة بردو علينا ... و ساعتها انا مش محتاج اكلمة على الفون وكمان اسالة عمل كام النهاردة ليا او اى حاجة ... هو بيدير حسابه هو الفعلى و كمان اكتر واحد هدفة المكسب دا علشان يدير حسابات لناس تانية و كمان ا الPAMM منشور على الملاء كدا يعنى لو مرجن الاكونت كل المستثمريت مش هيثقو فية ... يعنى متراقب طيب انا (طرف تانى)كتاجر محترف / مدير حسابات حقى محفوظ لانى باخد نسبة معلومة و كمان التاجر (الطرف الاول ) موقع على Limited Power of Attorney او ال LPOA و كمان التاجر (الطرف الاول ) بيحد النسبة اللى عاوز يخاطر بيها مع المدير.الموضوع رسمى نظمى  ....

 انصحك بقراءة الموضوع الخاص باشهر المتداولين على زولو ترايد او ايتورو كدا بنظام ال PAMM حلينا مشكلة ان المدير دا نصاب او المدير دا مرجن اكونتة و بيحاول يلم فلوس من الناس او ان المدير دا مش قادر يكسب لنفسة و عمال يجرب فى حسابى و حلينا مشكلة انى خايف كمدير او كتاجر محترف ان صاحب الاكونت فى اخر الشهر ميدنيش عمولتى بعد تعب و شقا لمدة شهر او اتنين تعالى نشوف مثال عملى من الافضل  

مثال عملى على ال PAMM

 تعالى نقول انة فى 3 تجار و اختارو المدير و هو ماركوس علشان يدخلو معاة فى ال POOL   و بص و ركز اوى فى الرسم دا

 كدا ماركوس حسابة 5000$ و دا المدير خلى بالك الباقى هم التجار اللى عاملين معاة ال pamm

 بول حسابة = 4000$ نقسمة على القيمة الكلية 15000$= 26.67 % و دى نسبتة  بيتر هيطلع نسبتة = 23.33%

 عمك فيل =16.76%

ماركورس و هو المدير =33.33%

 كلام جميل جدا تعالو بقا نفترض ان الحساب و المدة الزمنية لحساب الربح او الخسارة هتكون شهرية المدير ماركوس وصل لربح على الدايرة اللى قدامنا حوالى 30% من المجمل يعنى من الاخر كدا وصل الكل ل 19500$

 (جت ازاى يا عم 15000 +30% 4500)

 مكسب الحسابات كلها وصل 4500$ ربح كويس جدا ..علشان ماركوس هو المدير بياخد 10% من الربح اول حاجة يعنى ماركوس هياخد 450$ و يبقى الربح الصافى وصل ل 4500-450= 4050$

 دلوقتى تعالو نقسم بما يرضى الله و رسولة علطول كدا و كل واحد على حسب نسبتة(ونيتة كمان lol) من الدايرة (pool)

الاول بول كانت نسبتة 26.67% يبقى هياخد $4,050 * 26.67% = $1,080

 التانى عم بيتر كانت نسبتة 23.33% يبقى ياخد $4,050 * 23.33% = $945

 التالت عم فيل كانت نسبتة 16.67% يبقى هياخد $4,050 * 16.67% = $675  الرابع ماركوس المدير كانت نسبتة 33.33% يبقى هياخد 

 = $4,050 * 33.33% = $1,350

 مثال مستوى اعلى على ال pamm

 تعالى نعلى شوية اللعب و ركز معايا فى ال pool دا شوية التجار التلاتة مبسوطين من عم ماركوس و قررو يكملو معاة بس هم كمستثمرين قام اتنين منهم قالو احنا مش هنسحب و انت يا عم ماركوس برنس اساسا و التالت عمل سحب للمكسب و ساب راس المال الاساسى . و بيتر علشان بيحبو قام جايب صاحبة عم بيك كمان يدخل معاهم فى pool (زى ما نت كدا هتعمل شير للموضوع لانك بتحب فوركس سبيكر lol) و فى مستثمر تانى اسمة بام دخل معاهم فى ال pool ارزاق بجد تعالى بقا نشوف ال pool دا ازاى دلوقتى دلوقتى حجم ال POOL وصل ل 22.000$

 بول نسبتة 23.09%

 بيتر نسبتة 20.20%

 فيل نسبتة 11.36%

ماركوس (المدير ) نسبتة 28.68%

بيك نسبتة 11.93%

 بام نسبتة 4.55%

 ماركوس المدير بردو مدير خبرة قام ظابط نفسة فى الادارة شوية و عمل 15% من ال 22.000$ حوالى كدا 3.300$ دولار اخضر تعالو نقسم بقا الارباح

 اولا .. نسبة ماركوس فى الادارة من الليلة دى كدا هى ال 10% يعنى حوالى 330$ يبقى صافى الربح لل POOL بيكون 2970$ يتوزعو على الكل بنفس النسب اللى ابتدى عليها ال POOL

 ثانيا .. التقسيم بالنسب

 بول:نسبتة 23.09% يبقى مكسبة 23.09%*2970=685.80$

 بيتر : نسبتة 20.20% يبقى مسكبة 20.20%*2970=600.08 $

 فيل: نسبتة 11.36% يبقى مكسبة 11.36%*2970=337.50$

ماركوس (المدير ): نسبتة 28.68% مكسبة 857.25$

 بيك(صاحب بيتر) نسبتة 11.93% مكسبة 354.38$

 بام (مستثمر جديد ) نسبتة 4.55% مكسبة 135$

 كدا راس مال ال POOL وصل للاجمالى 24.970$

 مثال اعلى كمان شوية

 ماركوس اخد عين بنت لذينة فى الشهر التالت ال POOL بتاعو ابتدى من 24.970$ دى بداية الشهر التالت و خسر حوالى 20%

 اولا : عند الخسارة مدير الحساب ملوش اى نسبة يتم اقتطاعها( فى حالة الربح كان لية 10% من اجمالى الربح ) و دا اكبر حافز انة يحاول يعمل مكسب

 ثانيا: ال POOL كان 24.970 $ و خسر 20% يعنى 4994$

 يبقى و صلو ل 19.976$ طيب اية اللى هيحصل دلوقتى ؟ هل ماركوس هيشيل الليلة ؟ و لا هما زى ما كانو بياخدو من الرح بردو هينقصو فى الخسارة العدل هنا الخسارة تتقسم بردو بنفس النسب فى ال POOL و الكل يخسر 20% من حسابة  بول $5,765.8 - 20% = $4,612.64

 بيتر $4,036.06

 فيل $2,270.00

 ماركوس $5,765.80

بيك $2,383.50

بام $908.00

 كدا البول وصل ل 19.976 $ و بداية الشهر الرابع . و جميع المستثمرين ليهم الحرية انهم يكملو او يشاركو بجزء من مالهم او حتى يسيبوة و يدورو على مدير او تاجر تانى او يسحبو فلوسهم

 اية هو دور البروكر فى الموضوع دا ؟

 1/ بيقدم منصة خاصة امنة و حقيقة و قوية لمديرين المحافظ و المستثمرين

2/التسهيل على المديرين لكل النشاطات التجارية داخل التداول المسموح بها طبقا للوائح 3/ السهولة فى المحافظة على سرعة السحب و الايداع و الاستراك او الخروج من ال POOL

4/ لانة بيزنس عادى و ادارة الحسابات بيخلى الPOOL بتاعة على العام و الكل شايف الاداء العام لية ... بمعنى اصح انة حسابك خاص بيك انت و محدش يعرف انك كسبان او خسران و لكن فى ال PAMM بيكون على الملاء  و بيكون فى قياس اداء من حيث الربح و الخسارة و الدرو دون و كل حاجة خاصة بال PAMM

 ازاى التجار يختارو افضل مدير يدير ليهم الحساب PAMM

 الحقيقة ان البروكر الخاص بيك من المفترض انة يقدم اشهر المديرين على ال PAMM و بيكون ليهم صفحة او اكونت بتشوف منة مين الشخص اللى هيديرلك او مؤهلاتة او على الاقل اداءة من 6 شهور ماضية و تشوف الاراء علية و كل حاجة خاصة بالتداول وممكن يكون ناشر طريقتة فى التداول هنا فى الصورة

 بالنسبة للتجار/ المستثمرين

 اهم شى انهم متحملين الخسارة او المكسب من مدير الPOOL هى مش حظ و لكن ليها قواعد و اسس انك بناءا عليهما هتختار مدير ال PAMM

 بالنسبة لمديرين ال PAMM

1/ ليه الحق فى الموافقة على المستثمرين الجدد او ؤفض دخولهم لل POOL اللى بيديرو

 2/ لية الحق فى تحديد الحد الادنى او الحد الاقصى للمشاركة فى ال POOL من المستثمرين

 3/ لية الحق فقط فى ادارة المال الربوط على ال POOL من الممكن متداول حسابة 10.000$ و قرر انة يشارك فى ال PAMM على 5000$ فقط لا غير و بالتالى مدير البام ميقدرش يدير ال 10.000$ و لكن ال 5000$ فقط

 ملاحظات هامة على المقال و الخلاصة

 1/ فكرة ال PAMM كويسة جدا للمديرين قبل المستثمرين لانها بتضمن حقة فى النسبة و بتعملة ريكورد موثوق جدا و الاهم من الممكن يشارك معاة مستثمرين من بلاد اخرى و معرضش عليهم خدماتة اساسا و لكن اداءة ظاهر بالنسبة لهم

 2/ الكوبى تراييدينح زى ZULU TRADE او ETORO افضل للمدير من ال PAMM

 3/ كمتداول دايما من الافضل انك تتعلم ازاى تدير حسابك بنفسك و دا من الافضل على الاطلاق .. و لكن لو الظروف او مضطر انة يتم ادارة حسابك من الافضل على ال ZULU TRADE او ال PAMM

 4/خلى بالك لو المدير بيستخدم EXPERT ولا شغال ازاى ؟ لازم تعرف استراتيجية المدير على الاقل و تكون على الاقل لمدة 3 شهور

 5/ فى قصص نجاح لمديرين الحسابات على زولو تريد و معروفة جدا

6/ فى اسباب انك تعتمد ال PAMM او ال ZULU TRADE لادارة الحسابت و دا افضل من الادارة المباشرة 

 7/ مفيش اى مدير كل شهر بيكسب افهم انها رزق و تجارة و لكن لو العائد التراكمى ربح يبقى ناجح لو العائد التراكمى خسارة يبقى محتاج تطوير

الحمد لله انتهى المقال