السلام عليكم و رحمة الله و بركاتة .. احب اشارك معاكم النهاردة تكملة مشروع شهادات دولية فى البورصة..انصحك قبل البدء قراءة كل من
الحقيقة شهادة ادارة الثروات غير منتشرة فى مصر او الوطن العربى و المواضيع الخاصة بها قليلة جدا .. اليوم احب اعرضها عليكم من مصادرها كالعادة
تعريف شهادة مدير ثروات معتمد CWM
هى شهادة متخصصة جدا لادارة الثروات... علشان نبسط الموضوع تخيل انك مالك لما لا يقل عن 2 يارد دولار (مصطلح فى الماركت و معناة 2 مليون دولار ) و حبيت تستثمر هل تفكيرك هيكون زى واحد معاة 10 الاف دولار مثلا ...!!!!
فى مقولة جميلة جدا فى البيزنس بتقول بالعربى كدا
تحميع اول مليون من اصعب المراحل (بعد كدا المليون بتجيب اختها هههه)
المهم كتفكير فى المستوى الى بنكلم علية البعض بيريح نفسة و بيروح بنوك لادارة المحافظ و الثروات و بيعملو دراسة كاملة للرقم ازاى يحقق اعلى ربح باقل مخاطرة .. و تلاقى المحافظ الاستثمارية الكبيرة اغلب مديريها او موظفيها بيكون حاصلين على CWM ... و بتدرس الاصول انواع التخطيط المالى و الاصول و انواعها و تمويل الشركات و كيفية عمل الاسواق المالية و ما الى اخرة
كدراسة و كعلم لاى متداول فهى هامة جدا جدا بتديلك نظرة اوسع على انواع الاستثمار و كمثال انك لما تحقق اول مليون ليك فى الفوركس او البورصة اول خطوة هتعملها اية؟؟؟ الموضوع مش هتكمل بردو بورصة او تشترى عقارات او تستثمر فى منتج جديد فى السوق و تسيب البورصة و العملة لكن الفكرة ازاى هتدير راس مالك ...و هتنفعك شخصيا بغض النظر عن موضوع التوظيف فى البنوك
لو حابب تعرف معلومات اكتر من المصدر عن CWM
جهة اصدار شهادة مدير ثروات معتمد CWM
تصدر من American Academy of Financial Management.. الاكاديمية الامريكية
موقع الاكاديمية اللينك... الاكاديمية متخصصة جدا باسواق المال و ادارتها و بتصدر شهادات اخرى متخصصة داخل المجال و بالتالى انصحك تشوف الموقع الرئيسى لها و معاينة جميع الشهادات بها اذا كنت متخصص باسواق المال و دا الكرير بتاعك.
الاكاديمية ليها اكتر من فرع فى العالم
بالنسبة للمنطقة العربية موقعها فى الصورة اعلاة
و بالنسبة لمصر المصدر الافضل هو
الجامعة الامريكية
الفرق بين CWM /CFA/CFP
هعرضلك صورة فيها الفرق ما بينهم كلهم و انت شوف الافضل على حسب كارير بتاعك... باذن الله فى المواضيع اللى جاية هيكون فى شرح للشهادات التانية
شكل الشهادة
مستويات الشهادة
تنقسم الى مستويين و بداخل الصورة ادناة اليونيت من كل ليفيل
الامتحان
اتمنى الحصول على الفكرة العامة للشهادة من مميزاتها و اهميتها لكما العاملين بالمجال و اتمنى منهم مراسة الاكاديمة على موقعهم و اذا وجد اى معلومات اخرى مراسة الموقع بكل ما يخص الشهادة من ماتريال او اى شى (استفسار ) بخص الشهادة لعمل update
ملخص المقال
1/ لو انت ترايدر فى مجال البورصة او الفوركس مش مطلوب منك الحصول عليها و لكن من الافضل معرفتك بيها لانك فى المجال
2/ الشهادة الى حد ما استراتيجية جدا لمعرفة ادارة المخاطر لاصحاب الثروات بمعنى انها بعيد عنك كمحلل فنى و لكن اذا كان ليك طموح و دخلت مجال الثروات يكون افضل
3/ لو انت ترايدر من الافضل شهادات التحليل الفنى اولا هتاثر على شغلك اكتر من ادارة الثروات
التسميات :
شهادات التحليل الفنى